Iñaki Arregi: “Espazio falta nabarmena dutela adierazi digute enpresek”
- Xehetasunak
- Nork idatzia: barren.eus
Joan zen eguenean zabaldu zuen Mendaroko Udalak ‘Mendaro berri’ boletinaren hirugarren alea. Boletinean, 2021eko aurrekontuari buruzko datu nagusiak aletu dituzte, bai eta etorkizunerako aurreikusten dituzten hainbat proiektu ere, tartean ospitalerako igogailua, futbol zelaia eta zubi berriaren aurreproiektua (mendaro.eus webgunean dago boletina). Puntu nagusietako batzuk ekarri ditugu hona, Iñaki Arregi alkatearekin idatziz egindako elkarrizketara.
Zazpi kasu positibo atzeman dituzte asteon Elgoibarren, joan den astean baino hamar gutxiago
- Xehetasunak
- Nork idatzia: barren.eus
Kutsatzeak baretzen ari dira Elgoibarren zein Mendaron ere. Elgoibarren zazpi kasu zenbatu dituzte astelehenetik eguenera, eta Mendaron ez dute kasurik atzeman azken zazpi egunetan.
Julen Zabaletari buruzko argazki erakusketa gaur zabalduko dute
- Xehetasunak
- Nork idatzia: barren.eus
Otsailaren 14an bete zituen Julen Zabaleta 'Yulen' marrazkilariak 100 urte, eta horren harira, bere bizitzari buruzko ‘Yulen 100 urte’ argazki erakusketa antolatu dute Udalak eta Ongarri Argazkilari Taldeak elkarlanean. Erakusketa otsailean zuten inauguratzekoa, baina bertan behera utzi behar izan zuten ekitaldia, Elgoibar eremu gorrian zegoelako.
Geroa pentsio planaren argi-ilunak
- Xehetasunak
- Nork idatzia: barren.eus
Geroa pentsio planaren ondorioz kaltetuta eta diskriminatuta sentitzen diren hainbat beharginen sentipenak jaso ditu BARRENek aste honetako alean, eta Geroako gerente Virginia Oregik ere eman ditu Geroari buruzko xehetasunak.
Iñigo Sard: “AVSk beste inork egiten ez dituen gauzak egiten dituen ospea dauka”
- Xehetasunak
- Nork idatzia: barren.eus
Elgoibarren eginiko tresnak eta teknologia dituen Marte esploratzeko 'Perseverance' ibilgailua bidali du NASAK Planeta Gorrira. Tresna horiek egiteko proiektuan kalkuluen arduraduna izan da Iñigo Sard, Elgoibarko AVS (Added Value Solutions) enpresako ingeniaria. "Duela bi belaunaldi nire amonak ez zeukan argindarrik edo txorrotako urik etxean, eta orain bere ilobak egindako gauza bat Marte planetako gainazaleraino ailegatu da", dio 'Mars 2020' misioan izan duten parte hartzeaz. Berak eman digu bost urteko lanaren berri.
Finantzaketa kolektiborako kanpaina hasi du Jone Arriolak, ‘Larrugorritan’ seriearen lehen atala grabatzeko
- Xehetasunak
- Nork idatzia: barren.eus
'Larrugorritan' fikziozko seriearen lehen atala grabatzeko diru-bilketa kanpaina hasi dute Jone Arriola elgoibartarrak eta haren lantaldeak (itsulapikoa.eus). Eta finantzakeraekin lotuta berri on bat ere jaso dute "Batera kultur proiektuak elkarrekin" izeneko diru-laguntza deialdian aukeratu dituzten hiru proiektuetako bat baita 'Larrugorritan'.
Odol ateratzea egingo dute bariku arratsaldean
- Xehetasunak
- Nork idatzia: barren.eus
Elgoibarko odol emaleen elkartetik jakinarazi dute odol ateratzea egingo dutela barikuan, hilak 26.
Gutxienez Urazandiko igogailuaren obra bukatu arte martxan egongo da herri barruko autobus zerbitzua
- Xehetasunak
- Nork idatzia: barren.eus
Joan zen abuztuaren 10ean hasi zituzten Urazandiko eskailera mekanikoak kendu eta haien ordez igogailua jartzeko obrak, eta ordutik martxan dago herri barruko autobus zerbitzua. Hasiera batean Urazandi eta Erretsundi arteko ibilbidea egiten zuen, baina orain linea gehiago ditu zerbitzuak eta Melitoneraino iristen da. Zerbitzuari buruzko hainbat datu eman ditu Udalak, erabiltzaile kopurua eta kostua, besteak beste.
LABek "jazarpen sindikala" salatu du Elgoibarko Hansa-Flex enpresan eta mobilizazioak iragarri ditu
- Xehetasunak
- Nork idatzia: barren.eus
Albitsuriko industriagunean dagoen Hansa Flex enpresan "jazarpen sindikala" egon dela salatu du LAB sindikatuak, eta lantegiaren aurrean elkarretaratzea egingo dutela aurreratu dute.
Elgoibar zein Mendaro, eremu gorritik kanpo
- Xehetasunak
- Nork idatzia: barren.eus
Astelehenero eta eguenero eguneratzen du Jaurlaritzak azkeneko hamalau egunetan 100.000 biztanleko 500 kasu baino gehiago dituzten udalerrien zerrenda, eta COVID19aren eremu gorritik kanpo daude Mendaro zein Elgoibar.
Mendaroko eta Eibarko ospitaleetan emango diete txertoa Debabarreneko bizilagunei
- Xehetasunak
- Nork idatzia: barren.eus
Osasun Sailak erabaki du nola emango dituen koronabirusaren kontrako txertoak, eta aste honetan bertan ekin diote txertaketa prozesuari. Atzo hasi ziren etxean bizi diren 100 urtetik gorakoei txertoak ematen. Araba, Bizkai eta Gipuzkoan 100 urtetik gorako 1.800 lagun inguru daude, horietako bost Elgoibarren, eta 25 zentro izendatu dituzte txertoak emateko. Debabarrenean bi gune finko jarri dituzte: Mendaroko eta Eibarko ospitaleak.
Zahar etxeetako beharginek beste bi greba egun egingo dituzte, gaur eta martxoaren 30ean
- Xehetasunak
- Nork idatzia: barren.eus
Gaurko eta martxoaren 30erako bi greba egun deitu ditu ELAk Gipuzkoako egoitzetan. Lan hitzarmena berritzeko eta lan baldintzak hobetzeko eskaera nagusien barruan, "langile gehiago kontratatzea, prekaritatea desagerraraztea eta langileentzat erreparazio emozionala" eskatzen dituzte.
Elgoibarko anbulatorioan 24 orduko zerbitzua ezartzeko exijitu diote Osakidetzari Duintasuna-Gaurgeroak eta herriko zeinbait eragilek
- Xehetasunak
- Nork idatzia: barren.eus
Duintasuna-Gaurgeroak eta herriko beste zenbait eragilek deituta, elkarretaratzea egin dute gaur iluntzean Elgoibarren, anbulatorioan 24 orduko zerbitzua ezar zezala eskatzeko Osasun Sailari.
Elgoibarko Udalak 700.000 euro eman zituen 2020an kulturarako
- Xehetasunak
- Nork idatzia: barren.eus
Elgoibarko Udalak 699.430 euro jarri ditu herriko kultur jarduerak sustatzeko. “Elgoibar guztion artean eraikitzen dugu eta 2020an agerian gelditu da lankidetzaren garrantzia”, zabaldu du Udalak eta “eragileekin elkarlanean” jarraitzeko konpromisoa agertu du.
