Bina koronabirus kasu atzeman zituzten atzo Elgoibarren eta Mendaron
- Xehetasunak
- Nork idatzia: barren.eus
Debababarrenean 21 koronabirus kasu positibo atzeman zituzten atzo. Horietako bi Elgoibarren izan ziren eta beste bi, Mendaron.
Zuhaitz Gurrutxaga: "Futbol zelaira ez galtzera irteten nintzen, eta oholtzara irabaztera irteten naiz"
- Xehetasunak
- Nork idatzia: barren.eus
Zuhaitz Gurrutxaga (Elgoibar, 1980) Herriko Antzokiko oholtzara igoko da gaur arratsaldean bere bigarren bakarrizketa aurkeztera: ‘FutbolisTOK’. Lehen mailako futbol jokalaria izan zen garaiko pasarteak ekarriko ditu gogora, eta garai hartan bere azalean bizi izan zuen TOK nahasmenduari buruzko kontuak ere izango ditu mintzagai umoregile aiastiarrak. Gaurko emanaldia euskaraz izango da (sarrerak agortuta daude), eta gaur zortzi saio berbera eskainiko du, gaztelaniaz. 19:00etan izango dira bi saioak.
Pedrosillano garbantzua batuko dute datorren astean, Lesboseko errefuxiatuentzat
- Xehetasunak
- Nork idatzia: barren.eus
Zaporeak gobernuz kanpoko erakundeak sustatuta, janari bilketa solidarioa egingo dute datorren astean Debabarrenean, eta Elgoibarri Pedrosillano motako garbantzuak biltzea egokitu zaio. Merkatu plazan eta ikastetxeetan jarriko dituzte produktuak batzeko guneak.
Fermin Arrese hil da, Juan Mugertza Nazioarteko Krosaren bultzatzaile nagusietako bat izan dena
- Xehetasunak
- Nork idatzia: barren.eus
Fermin Arrese hil da, urte askoan Juan Mugertza Nazioarteko Krosari lotuta egon den gizona. Bihar egingo dute haren aldeko hileta-elizkizuna San Bartolome parrokian, 19:00etan.
Martxan dira Ekiten tailerrak, Elgoibarko gazteen artean Lanbide Heziketa eta industria bultzatzeko saioak
- Xehetasunak
- Nork idatzia: barren.eus
Elgoibarko gazteek Elgoibarko lanbide heziketa, unibertsitatea eta industria aurrez-aurre ezagutzeko helburuarekin Elgoibarko Udalak XIII. Ekiten Tailerrak antolatu ditu, IMH, Meka, Arreiturre Institutua eta Elgoibar Ikastolarekin elkarlanean.
400eko intzidentzia tasa gainditu da Gipuzkoan
- Xehetasunak
- Nork idatzia: barren.eus
Eguerdian eman ditu Eusko Jaurlaritzako Osasun Sailak koronabirusaren inguruko datuak. Atzo, 11.038 proba egin zituzten Gipuzkoa, Araba eta Bizkaian, eta 788 kasu antzeman zituzten. Elgoibarren eta Mendaron ez dute kasu positiborik antzeman, baina Gipuzkoan gainditu da 400eko langa, eremu gorrian sartzeko muga. Gaur, 412,52ko intzidentzia-tasa du Gipuzkoak. Zainketa Intentsiboen Unitatean, berriz, 103 lagun daude ingresatuta, hiru gehiago.
'Begiekin entzutekoak' zikloa antolatu du Gararock Taldeak Mendaron
- Xehetasunak
- Nork idatzia: barren.eus
Apirilaren 18an hasi eta ekaina bitarterako lau kontzertu antolatuko ditu Mendaron Gararock Taldeak, Udalaren laguntzarekin.
Elgoibartik eta Mendarotik igaroko da bihar Euskal Herriko Itzulia
- Xehetasunak
- Nork idatzia: barren.eus
Euskal Herriko Itzuliko bosgarren etapa jokatuko dute bihar, Hondarribitik Ondarrura artekoa, eta bidean, Elgoibartik eta Mendarotik ere pasatuko dira txirrindulariak.
Jesus Rocandio argazkilariaren erakusketa inauguratuko dute bihar
- Xehetasunak
- Nork idatzia: barren.eus
Ongarri Argazkilari Taldeak Jesus Rocandioren argazki erakusketa antolatu du, Udaleko Kultura Sailarekin elkarlanean, eta bihartik hilaren 24ra arte egongo da zabalik, Kultur Etxean.
Debabarreneko Mankomunitateak dio gaikako zabor bilketak bilakaera positiboa izan duela urteko lehen hiruhilekoan
- Xehetasunak
- Nork idatzia: barren.eus
Debabarreneko Mankomunitateak urteko lehen hiruhilekoaren balorazioa egin du, eta arduradunek esan dutenez, gaikako zabor bilketak “bilakaera positiboa” izan du epe horretan.
Bestelako baso kudeaketa eredu bati buruz mintzatuko dira Errez Kooperatiba Elkarte Txikikoak barikuan, Mendaron
- Xehetasunak
- Nork idatzia: barren.eus
Errez kooperatibako Markel Arriolabengoa Martiarena eta Iñaki Etxebeste Larrañaga Mendaron izango dira barikuan, apirilaren 9an, Mendaroko Udalak gonbidatuta. 'Alternatiba berria basogintzan' izenburuko hitzaldia emango dute, eta Tantai Baso-Jabe Kooperatiba ere aurkeztuko dute. San Agustin aretoan izango da hitzaldia, 18:00etan hasita. Pandemiagatik hartu beharreko neurriak zaintzeko, lekua mugatua izango dela aurreratu dute Udaletik. Arg.: Goiena
2020ko aurrekontuen gerakina erabiltzeko hainbat proiektu eta ekimen proposatu ditu Mendaroko EH Bilduk
- Xehetasunak
- Nork idatzia: barren.eus
Apirileko osoko bilkuran onartuko du Mendaroko udalbatzak 2020. urteko likidazioa (3.200.000 euro), eta diru hori aurrekontuetan onartu ez dituzten beste zenbait proiektu gauzatzeko erabiltzea proposatu dute EH Bildutik, "Mendaroko herritarrentzat premiazkoak edota interesgarriak direlakoan". 2021. urterako, 2.700.000 euroko aurrekontua onartua du Mendaroko Udalak.
Aste Santuan 13 kasu atzeman dituzte Elgoibarren eta bi Mendaron, eta 329ko eta 236ko intzidentzia-tasa dute, hurrenez hurren
- Xehetasunak
- Nork idatzia: barren.eus
Koronabirusaren egoera epidemiologikoaren datuak eman berri ditu Eusko Jaurlaritzako Osasun Sailak. Hilaren 30etik atzo arte, hamabost kasu atzeman dituzte Elgoibarren (Aste Santuan, 13), eta bi, Mendaron. Horrenbestez, azken hamalau egunetako 100.000 biztanleko kasu metatuen tasa edo intzidentzia-tasa 329,29koa da Elgoibarren, eta 236,41ekoa Mendaron.
Gaurtik, Errekabarren zubiaren ondoko gune berrira eraman beharko dituzte zaborrak Azpilgoetan
- Xehetasunak
- Nork idatzia: barren.eus
Mendaroko Udaletik jakinarazi dute Azpilgoeta kaleko 1. zenbakiaren parean dauden hondakin organikoen eta errefusaren edukiontziak gaur, apirilak 6, kenduko dituztela.
