Martitzenetik aurrera joan-etorriak baimenduko dituzte Araban, Bizkaian eta Gipuzkoan
- Xehetasunak
- Nork idatzia: barren.eus
Udalerrien itxiera perimetrala bertan behera lagatzea erabaki du Labik, eta martitzenetik aurrera mugitzea libre izango da Araba, Bizkai eta Gipuzkoa artean.
Gaur jarriko dituzte salgai Zea Mays taldearen kontzerturako sarrerak
- Xehetasunak
- Nork idatzia: barren.eus
Zea Mays talde bilbotarrak Elgoibar bisitatuko du martxoan. Hilaren 19an, bi kontzertu emango dituzte eta gaur jarriko dituzte salgai sarrerak.
Julen Zabaleta: "Nire bizitzaren hamarretik bederatzi marrazten pasa dut"
- Xehetasunak
- Nork idatzia: barren.eus
Euskadi Irratiko Faktoria saioko mikrofonoen aurrean ikusi du Julen Zabaletak bere lanei buruzko "Yulen. 100 urte" erakusketa, eta bere bizipenak, bere oroitzapenak eta bere lanaren mamia jaso dute haren ahotik. Gogoratu bihar izango dela Kultur Etxean dagoen erakusketa ikusteko azken eguna.
Martxoaren 24ra arte egongo da Errigoraren udaberriko kanpainako eskaerak egiteko epea
- Xehetasunak
- Nork idatzia: barren.eus
Atzo hasi zuen Errigorak 'Nafar hegoaldeko uzta eskutik eskura' kanpaina, eta martxoaren 24ra arteko epea jarri dute eskaerak egiteko. Nafarroa hegoaldeko oliba-olio birjina estra, kontserba-sortak, arroza eta pasta eskainiko dituzte, beti bezala, euskaraz etiketatuta eta ekoizlearen jatorrizko prezioan.
Euren salgaiak kalera atera dituzte Txankakuako merkatariek
- Xehetasunak
- Nork idatzia: barren.eus
Puxika gorriak dauden lekuan maukak eta denboraldiz kanpoko produktuak prezio baxuagoetan aurkituko dituzte gaur eta bihar Elgoibarko kaleetan dabiltzanek.
Astebarruan bost positibo gehiago zenbatu dituzte Elgoibarren eta bi Mendaron
- Xehetasunak
- Nork idatzia: barren.eus
Elgoibarren bost koronabirus kasu positibo atzeman dituzte astelehenetik eguenera -aurreko astean baino bi gutxiago-, eta Mendaron bi positibo atzeman dituzte.
Aizkoltxo, Debabarreneko karsteko atea
- Xehetasunak
- Nork idatzia: barren.eus
Goikola errekaren sakanean dago Aizkoltxo muinoa, Mendaroko Plaza auzoan, 634 errepidearen eta Deba ibaiaren artean. Kareharrizko tontorra da, Arnoko karstaren mugarri naturala. Duela gutxi, lurpeko ur-sare bat topatu dute Leizarpe-Morkaiko espeleologia taldekoek inguru horretan. Gehiago ere bada, baina. Deba bailarako talaia izan zen antzinako gizakiarentzat, eta horregatik ere berezia da, ondare arkeologiko ugari bildu dituztelako muinoaren izen bereko kobazuloetako batean. Gaur, industriaz inguratuta dago, eta arriskuan ikusten dute zenbaitzuek zubi berriaren obrek eta industrialdea handitzeko lanek are gehiago jan dezaketelako Aizkoltxo. Zubi berriaren aurreproiektuan kontuan hartzen dute Aizkoltxo kobazulo arkeologikoa babestu beharra, baina babes horri “txikiegia” irizten diote Leizarpekoek, kobazuloaz gain ingurunea babestea ezinbestekoa ikusten dutelako.
Ion Martinez: “Ez dugu desatseginak izan nahi, baina errealitatea gordina da eta hala erakutsi nahi izan dugu”
- Xehetasunak
- Nork idatzia: barren.eus
Nagore Laffageren eta La Manadaren kasuetan oinarritutako euskarazko fikzioa da ‘Birritan bortxatua’ antzezlana, Aldatzen Laguntzen taldeak sortua, eta emakume bortxatuek epaiketetan jasaten duten biktimizazio bikoitza salatu eta kritikatzen du. Bihar ikusi ahal izango da antzerkia, Mendaroko San Agustin kulturgunean, 19:00etatik aurrera. Ion Martinez (Donostia, 1980) obrako aktore eta gidoilariak eman digu antzezlanaren berri.
Kafe-kapsula erabiliak mini garbiguneetan laga ahal izango dira aurrerantzean, Mankomunitateak eta Nestlek sinatutako hitzarmenari esker
- Xehetasunak
- Nork idatzia: barren.eus
Plastikozko edo aluminiozko kafe kapsulen erabilerak nabarmen egin du gora azken urteotan. Orain arte, hondakin horiek errefusaren edukiontzi grisean uzten ziren eta ez zituzten birziklatzen, baina gaurtik aurrera "birziklatzeko edo balorizatzeko" irteera bat eman ahal izango zaiela jakinarazi dute Debabarrena Mankomunitatetik.
Herrigunea eta Mendaroko Ospitalea lotzeko igogailua urteko bigarren seihilekoan eraikitzen hasi nahi du Udalak
- Xehetasunak
- Nork idatzia: barren.eus
Mendaro Ospitalerainoko irisgarritasuna hobetzeko igogailu publikoa eraikiko du Mendaroko Udalak, eta lanak "2021eko bigarren seihilekoan" hastea aurreikusten dute.
Landa-bideei buruzko ordenantza berrikusteko eskatu dio baserritar talde batek Mendaroko Udalari, “modu desegokian” onartu zelakoan
- Xehetasunak
- Nork idatzia: barren.eus
Abuztuaren 18az geroztik indarrean dago Mendaron landa-bideen erabilera berezia arautzeko ordenantza, eta ari da zeresana ematen. Aste honetan bertan, ordenantza berrikusteko eskatu dio Udalari baserritar talde batek (baserritarren %75 inguruk sinatu dute agiria), “modu desegokian” onartu zelakoan.
Daniel Arenasek Espainiako Bikejoring txapelketa irabazi du bere adin tartean
- Xehetasunak
- Nork idatzia: barren.eus
Soriako Olvega herrian jokatu zuten, joan den asteburuan, lur gaineko Espainiako Bikejoring Txapelketa, sprint distantzian. Dani Arenasek (Elgoibar, 1976) 'Asterix' txakurrarekin hartu zuen parte eta lehen postua lortu zuten beteranoen mailan, Master 40 kategorian.
Niala magoaren ikuskizuna, martxoaren 12an Elgoibarko Ludotekan
- Xehetasunak
- Nork idatzia: barren.eus
Niala magoaren bi magia ikuskizun antolatu ditu Elgoibarko Udaleko Gazteria Sailak martxoaren 12rako.
Kirol Campusa egingo dute Aste Santuan
- Xehetasunak
- Nork idatzia: barren.eus
Elgoibarko Udal Kirol Patronatuak XII. Aste Santuko Kirol Campusa antolatu du, eta bariku honetan, martxoaren 5ean, zabalduko dute izena emateko epea.
